圖:阿田自爆演出有「蝦碌」位,但大家都好鍾意 網上圖片
呢個聖誕大家會做乜?新民黨常務副主席、立法會議員田北辰(阿田)就喺Facebook上載一條短片,透露自己上周末喺愉景新城嘅聖誕嘉年華中化身「聖誕樹×聖誕麋鹿」,同一班小朋友表演包括紙牌魔術在內嘅四個魔術,仲話自己係「鹿不停蹄」。
片中嘅阿田頭戴鹿角,一身綠色嘅聖誕樹服,雖然造型有啲奇特,但都算應景。阿田近年幾乎年年聖誕都會喺嘉年華活動中表演魔術,但今次就似乎發揮得麻麻,表演完之後都自爆漏咗一個步驟,不過好在演出都算成功。對於呢個「蝦碌」位,阿田不以為意,仲話有觀眾就係鍾意呢啲「蝦碌」位,同埋小朋友都好畀面,反應非常唔錯,真係無負佢「新西米高高柏飛」之名。