早前青年新政梁頌恆、游蕙禎被裁定喪失議員資格，立法會秘書處立即發信要求佢哋退還合共188萬嘅議員薪金同預支營運資金，聽日就係限期最後一日。不過梁頌恆去到今日，依然無賴咁話唔會回水架啦！佢回覆《明報》查詢時，話聽日會發信俾秘書處，話立法會應該等待終審法院有審決之後，先應該追收款項喎！佢又話，封信入面會講明秘書處追收嘅金額極唔合理，因為佢哋係10月12日先失去資格，10月1號至11號嘅錢唔應該包括在內喎！
嘩！梁頌恆，你唔好咁無恥啦！成日都用拖字袂，作為一個組織嘅領袖，居然咁無承擔。之前宣誓就賴「鴨脷洲口音」，而家無錢還，就話要等埋終審法院。仲話代表「青年」，梁頌恆你係完全無資格囉！
