大公網12月14日訊（記者龔學鳴）相信唔少小朋友都唸過：「大個咗要做乜嘢」，而家有發揮嘅空間啦，為慶祝香港回歸祖國二十周年，政府新聞處以「我到二十歲時……」為主題，舉行海報設計比賽，畀小學生想像自己二十歲時嘅境況，並以此為題設計海報。
慶祝活動當然唔止一個，政府仲有以「攜手同行」為題嘅短片拍攝比賽，分別設有中學組及公開組，公開組不限參加者年齡，兩組嘅參加者均可以個人或最多四人組隊參賽，令大朋友都可以一齊參與其中。
政府新聞處發言人話，藉慶祝特區成立二十周年這重要日子，希望市民能透過參加今次比賽，加強對香港的歸屬感，展望未來。
有興趣嘅中、小學生及市民而家就可以係比賽網頁www.hksar20contests.com下載報名表格，短片拍攝比賽嘅參加者更可在該網頁上載參賽作品。兩項比賽嘅截止日期都係明年二月二十四日，千企唔好錯過啦。
