圖：黎伯伯雖然已經係耄耋之年，但精神好好，全程歷時三個鐘嘅集會，佢企咗足足個半鐘先走
梁頌恆、游蕙禎喺立法會宣誓儀式上嘅辱華言論，激嬲香港人，經歷過戰亂嘅長輩尤其憤怒，喺尋日嘅「反港獨 撐釋法」集會，94歲嘅九龍果菜同業商會理事長黎勤，就係其中一個挺身而出嘅老人家，佢都可能係全場年紀最大嘅集會人士。對於梁、游辱華播「獨」，老人家義憤填膺，堅持要企出嚟向「港獨」說不。
黎伯伯雖然已經係耄耋之年，但精神好好，全程歷時三個鐘嘅集會，佢企咗足足個半鐘先走。集會上嘅人都好照顧黎伯，一路扶住佢。黎伯同其他嚟集會嘅人士一樣，都希望啲「港獨」分子盡快消失，畀返香港一個安穩嘅環境喇！
