圖：集會人士相當自律帶走自己拎嚟嘅用品
尋日「反港獨 撐釋法」集會內，每個人都懷住對「港獨」嘅憤怒心情出席集會，佢哋仲自制咗各式各樣道具，表達對辱華「議員」嘅不滿，當中不乏傳神又抵死嘅佳作。例如工聯會整咗一把「尚方寶劍」，上面寫住「除港獨、斬梁游、撐人大釋法」等字眼，意思非常清晰，就係一定要斬除「港獨」禍根，好多集會人士都爭住借嚟影相「打卡」！雖然係有逾五萬人嘅集會，仲出現數以千計嘅標語牌同橫額，集會人士都相當自律，帶走自己拎嚟嘅用品，加上大聯盟成立嘅糾察隊攞住啲垃圾袋滿場飛，收集參與集會人士嘅垃圾，令到成個集會場地都好乾淨，真係值得一讚。
