青年新政梁、游當選「議員」兩個月就成為梁游「已完」，時間過得真係快！尋日又有消息，原來「本民前」急不及待密謀派出生面口的「素人」作為「PlanC」參加補選，攞番梁、游個議席，鄭晴聽到真係笑到碌地。今時唔同往日喇，經過宣誓風波同人大釋法之後，反「港獨」民意澎湃。青年新政與「本民前」想玩嘢再玩唔出，連昔日幫過梁天琦助選嘅「本土派」、熱血公民等「獨人」唔撐不特止，仲話如果真係參選要狙擊番你哋添，真係好睇過戲。況且人大釋法講清講楚，宣揚「港獨」嘅人沒參選及擔任立法會議員資格，亦要依法追究責任。「本民前」竟然仲想故伎重施，鄭晴不禁要問，你哋知唔知醜字點寫？
