【大公報訊】強颱風海馬吹走買家，睇樓量按周大減。綜合代理統計，備受颱風及新盤搶客夾擊，本周預約睇樓量挫5至14%。

　　中原地產十大屋苑本周末睇樓量錄得530組預約，較上星期下跌14.2%，七個屋苑睇樓量報跌。中原地產亞太區住宅部總裁陳永傑表示，新盤來勢洶洶，周六日多個新盤輪流推出市場，其中兩個新盤更是首次登場，盡搶市場焦點。本月二手表現遜一手，個別屋苑錄得創新高成交，業主跟隨反價，400萬元內的「上車盤」買少見少，二手成交步伐減慢。本周末在颱風影響下市民減少外出，睇樓意欲大減。

　　受藍塘傲在開搶客影響，將軍澳成重災區，中原將軍澳都會駅高級分行經理柯勇表示，區內二手屋苑睇樓轉靜，指標屋苑新都城，本周末僅錄得20組睇樓預約，按周再跌20%，業主見新盤反應超乎預期理想，叫價態度亦變得強硬，屋苑每呎實用叫價微升至13227元水平，預計屋苑周末交投疏落。

　　據美聯物業分行統計，15個二手指標屋苑於本周末錄得約717組預約睇樓量，較上周續跌約5.7%。美聯物業住宅部行政總裁布少明表示，數百伙新盤周末推售，掀起一手戰場，並搶去市場大批購買力，加上颱風海馬在周末前夕來襲，二手屋苑預約睇樓活動難免受到天氣不穩衝擊。