圖：開幕典禮請到林武、劉江華同張學明等人風雨不改咁嚟到賀/大公報記者林良堅攝
尋日三號風球、橫風橫雨下，沙田鄉事委員會新大樓開幕典禮都好隆重，鄭晴仲見到一眾政商名人包括中聯辦副主任林武、民政事務局局長劉江華同鄉議局副主席張學明等人風雨不改咁嚟到賀。
鄭晴八到，原本開幕禮喺沙田排頭街嘅新會址舉行，不過由於惡劣天氣關係，臨時改咗喺鄉議局大樓，全靠鄉議局上下一心先能夠喺短短幾個鐘，將需要用嘅枱枱櫈櫈搬到鄉議局大樓。
沙田鄉事委員主席莫錦貴致辭都話，雖然落起大雨，全靠有鄉議局呢個後盾，才能順利舉行開幕典禮，正如今日嘅香港，一旦有事，都會有中國做後盾。中聯辦副主任林武就話，雖然天公不造美，但亦顯示出鄉議局大家風雨同路精神。鄭晴聽落，真心覺得呢的說話又應景又到位囉。
開幕典禮真是好有鄉味，鄉紳共聚，武術、歌舞等精彩表演，食餐香氣四溢嘅盆菜宴，繼續為鄉村事務努力。
