沙田鄉事委員會新會址開幕禮，嘉賓一剪綵（大公報記者林良堅/攝）
大公網10月18日訊 三號風球、橫風橫雨下，沙田鄉事委員會新大樓舉辦開幕典禮，鄭晴見到一眾高官、鄉紳包括中聯辦副主任林武、民政事務局局長劉江華、鄉議局副主席張學明等人風雨不改出席開幕典禮。
鄭晴知道原本開幕禮喺沙田排頭街嘅新會址舉行，不過由於惡劣天氣關係，臨時改咗喺鄉議局大樓，全靠鄉議局上下一心才能在短短數小時，將需要用嘅枱枱搬到鄉議局大樓。
沙田鄉事委員主席莫錦貴致辭都話，今日落起大雨，全靠有鄉議局呢個後盾，才能順利舉行開幕典禮，正如今日嘅香港，一旦有事，都會有中國做後盾。中聯辦副主任林武就話，雖然天公不造美，但亦顯示出鄉議局大家風雨同路的精神。
開幕典禮除咗有一眾高官鄉紳外，鄭晴仲見到有龍獅、武術、歌舞等精彩表演，一班鄉紳代表一亦可趁機聚一聚，食餐香氣四溢嘅盆菜宴，繼續為鄉村事務努力。
