梁美芬出新書，名為《香港基本法-從理論到實踐》。
大公網9月13日訊 （記者李淇）成功連任九龍西立法會議員既梁美芬（Priscilla），係今屆立法會選舉形象大翻身，唔止脫下標誌性既「珍珠耳環」，仲換上一套亮麗既Polo恤示人，連香港著名時裝設計師鄧達智早排都盛讚佢「煥然一新」！點解咁大改變？原來係多得美芬既八個「芬毛毛」！
梁美芬(12日)同傳媒聚會時談到自己形象改變，佢話呢八個「芬毛毛」都係▉年青／年輕▉人，有好多緊貼潮流既新想法，自己可能跟得佢地多變得，覺得要試下改變形象，好似拍片惡搞唱歌等等，估唔到效果咁好，「所以而家啲芬毛毛成日搵我黎玩嫁」。
美芬又提到自己從政多年，都累積左批大學生、年輕家庭等等▉年青／年輕▉支持者，並唔係網民想像中得啲中年粉絲咁話。佢仲話有次去大角咀街市，有個老闆娘出黎搵佢影相：「但個老闆娘話其實唔識我，不過佢18歲個仔係澳洲打長途返黎，叫阿媽一定要投梁美芬！平時中年婦女Fans好多，但調轉頭都真係第一次。」
另外，梁美芬仲提到自己出左本新書，名叫《香港基本法-從理論到實踐》，係用了十年時間寫的，只印了幾千本，係內地已經買哂。
