大公網7月7日訊(記者梁穎賢) 藝人愛磚頭，近期多個新盤星蹤處處，早前買入九建(00034)紅磡環海‧東岸的藝人麥長青(麥包)，今日忽然現身系內西營盤63 Pokfulam示範單位，原來其老友知道麥包可以友好貴賓身份優先睇樓，所以順便「抆衫尾」。
63 Pokfulam曝光後，麥包話身邊不少藝人友向其攞料，對該盤感興趣，實情自己都想買番間，地區好又有細單位選擇，既可投資又可自住，可惜唔夠錢，雖然近兩三年收入相對較好，供得起，但無首期，除非靠家人，坦言自已第一層樓的首期都要靠「父幹」，慶幸發展商起啲細單位，幫到市民上車，就算單位細啲，所謂百貨中百客，若然供得起，而父母又幫到的話，不妨與家人商量，奏夠首期擁有自己空間。
