郭子威稱，星漣海吼實五一假期，今日於深圳路演吸客。梁穎賢攝
大公網4月24日訊(記者梁穎賢)五一三日長假將至，有發展商睇準出擊。長實地產(01113)旗下馬鞍山星漣海，就五一長假計劃今日於深圳巡迴路演吸客。
長實地產投資董事郭子威表示，內地大城巿受限購影響，成交明顯減少，項目睇準出擊，借勢加強內地推介，今日開始於深圳巡迴路演，為五一吸客鋪定後路，已聯同數間內地大型代理行合作，初步反應不錯。據悉，有興趣客戶約達30批，會於五一期間來港參觀，發展商將提供專車往返現場，同場另有法律人士講解買樓須知，以及提供按揭服務查詢。
郭子威又指，今日連續錄得多宗成交，其中2B座26樓F室三房特色戶，實用765方呎，連420方呎天台，成交價1583.8萬元，實呎20703元。
