秋北教整五香卷
大公網12月21日訊（記者龔學鳴）冬至、聖誕接踵而至，大家有無準備一啲美食應節呢？工聯會理事長吳秋北不時都會通過Faccebook，分享幾味佢家鄉嘅福建小食。佢近日再開「秋北廚房」，教大家整有福建特色嘅五香卷嚟應節。只見佢以豬肉、馬蹄、洋葱、干蔥為餡，用腐皮卷住，經過先蒸后炸，再配上絕配酸蘿蔔，隔住屏幕都覺得香啊。除此之外，秋北仲上載咗一張品客薯片嘅相，話「冬至、聖誕有五香卷，鬍子薯片未能大派用場！」呢度似乎係一語雙關，暗指辭職考慮參選特首嘅薯片叔叔喔。
李慧琼為市民送上祝福
另外，冬至大過年，民建聯李慧琼、周浩鼎，工聯會郭偉強等立法會議員都向市民送上溫馨嘅節日祝福，希望大家都可以早啲收工，返屋企一家團聚，過一個溫暖嘅冬至。
