圖：朱民軒未來會研究如何透過遙控「望倒後鏡」，觀察巴士兩側情況
遙控巴士有乜好玩？對於巴士迷來說，一架屬於自己的巴士本身已經是「巴迷的浪漫」，何況這架車可以由自己選定路線、車牌、車隊編號，各種附加條件「Snail Product」都可視情況幫助完成，自然成為巴迷神物。
朱民軒解釋，除最初的燈號、開門外，不少巴迷都有不同的要求，例如有巴迷覺得「開、閂門」的過程「好特別」，因此特別要求巴士「開、閂門特別慢」。亦有巴迷對指揮燈閃法有自己的期望，而最新一批中巴MCW 12米車，更應車主要求，新設遙控攪牌機，控制車頭的路線牌轉換，在Facebook專頁上公布後即獲一眾巴迷大讚。
開門、攪牌，在朱民軒口中都是「濕碎嘢」，他表示在巴士上裝設攝錄機，並透過手機遙控觀看亦不難，未來會研究如何可以透過遙控「望倒後鏡」，觀察巴士兩側情況會是最新挑戰。
「其實前幾個月曾經覺得有點悶，去咗玩航拍機，但隔一排返嚟玩，又覺得好好玩」，朱民軒笑說，做了多年，仍然覺得遙控巴士好好玩。
