霆鋒火火真誠對話
大公網5月25訊(記者 陳惠芳)ViuTV播出嘅《鋒味前奏》上一集講到謝霆鋒出道時，每次上台都畀人噓，噓足4年，今晚播出的一集，導演火火就繼續同霆鋒傾心事。
霆鋒一邊炒飯、火火就一邊問他到現時為止，生命中有無敵人？霆鋒說最大敵人是自己。火火問霆鋒對自己有何不滿，霆鋒說：「所有的事本來可以好些，我是處女座，仍然覺得所有的事都『未夠好、再嚟過』，所以點解我每樣事可以『玩』這麼久就是這原因了。」
霆鋒謙虛，不介意火火之言
此時火火突然同霆鋒講對不起，「以前少不更事，曾經聽住你首《壞習慣》，然後覺得壞乜鬼嘢習慣啫你！」霆鋒笑笑口話：「明的，多謝你，我好多謝你的誠懇。但你之後一跳就跳了去聽《潛龍勿用》？」火火就好尷尬咁話：「中間都要消化?嘛，哈哈哈。」然後霆鋒繼續說：「所以我中間啃了幾多年吖嗱。時下的年輕人追求自己夢想，並非一朝一夕，你不知道三年、四年、十年後會變成點，然後今日，原來有一個人同你講：『我之前鬧過你?！不過而家ok。』」
