圖：任婆婆與患有唐氏綜合症的女兒相依數十年，她最大的心願是希望女兒能生活得快樂。
83歲的任婆婆，住在元州邨一個三百平方呎單位，已經獨自照顧患有唐氏綜合症的女兒50年了。任婆婆與鄧姓丈夫分開多時，雖另有兩子一女，但都已經各自成家，所以屋內只剩她和這個小女兒。
「我以前做無牌小販，因為要照顧阿女，返唔到長工，咪做無牌小販囉，幾時送咗佢返學，幾時去開檔都得，方便自己。後尾因為成日畀人拉，所以就轉咗去做水貨客。」任婆婆說。
疫情下，能讓女兒學習的技能中心都關門，由於不能掉下女兒，令任婆婆根本抽不出時間找其他工作，加上兩地封關，任婆婆被迫手停口停。但生活仍然吃力，故失業後開始到附近餐廳取免費飯幫補一下。
任婆婆表示：「疫情封關就停咗三年幾，而家最主要係照顧佢，收入就無喇。好彩佢可以攞綜援，我就有份生果金，慳慳哋都夠用。如果啲細路方便，有時都會畀少少我囉，都夠喇，簡簡單單又唔食得幾多。連埋呢個，我有四個仔女，個個出晒身，問題係佢哋又唔係讀得書多，又唔係搵得多錢，仲要住又要供書教學，邊有咁多錢照顧埋我哋，唔使我哋畀錢佢都算好啦。」
