曾先生 臭味難頂
正常有裝天眼攝影機，但唔知點解影唔到。我喺葵涌貨櫃碼頭附近工作，呢度啲垃圾都有兩三年，夜晚我見啲車喺度卸垃圾，啲臭味好難頂，一定打電話去投訴，抄低佢哋車牌，我有時都會幫手執，而家疫情嚴峻更加影響環境。好似之前發泡膠箱放到好似城牆咁，之前曾發生火警，連停在一旁的旅遊巴都燒埋，好得人驚。
李先生 影響環境
每日收工都要經過葵涌貨櫃碼頭附近，呢度啲垃圾清極都有，影響環境，垃圾收集站夠鐘就唔收，司機貪方便見呢度無人就放喺度，喺堆填區棄置裝修垃圾要收錢，掉喺度就唔使錢，投訴政府部門都無用，裝咗閉路電視都有垃圾，政府積極啲就解決到，做啲唔做啲唔係辦法。
貨車司機黃先生 罔顧公德
平時見到好多運載廢料嘅貨車喺呢度亂倒垃圾，佢哋為慳錢根本無考慮大眾利益。有時經過葵涌貨櫃碼頭附近聞到臭味，會向當局投訴，之後會見到有工作人員過嚟收拾，但改變唔到問題根源。
