圖：鄒廣榮認為政府可先透過公營機構收地，再引入公私營合作模式發展「花園城市」部分土地。

　　「政府不斷打新界土地主意，但九龍塘『花園城市』已經有一幅咁好嘅地，點解唔諗？」香港大學房地產及建設系講座教授鄒廣榮認為若重新規劃該土地的話，最佳方法是透過公私營合作模式。

　　倡公私營合作發展

　　「『花園城市』好多平房只用到0.2至0.5倍地積比，業主唔可以重建又唔可以發展，如果由政府牽頭，經公營機構如房協或市建局等，向業主以0.6倍或再高少少收回土地，保證土地重建後，業主可獲得相同私人物業樓面面積，我覺得業主未必唔贊成交回土地。之後將多幅土地結合，再邀請私人發展商以公私營七三比例發展項目，當只放寬地積比至2或2.5倍，都已經可以增加接近幾千個資助房屋供應，我覺得呢個係雙贏方案，既可保障公眾利益，亦有誘因吸引業主交出土地。」

　　鄒廣榮認為九龍塘地皮優越，當中公營房屋部分興建夾屋或首置屋等資助房屋，相信獲社會認同聲音會更大，「一方面可以保留花園城市原風貌，又有資助房屋，又有私樓，解決現時土地浪費問題」。但他直言建議的最大阻力是政府決心，「如果要變，（政府）就要做多好多嘢，例如要重新規劃、公眾諮詢等，又要地政總署署長願意配合等，但唔係無可能，只係政府願唔願意做」。