上年七月有五個香港逃犯偷渡去台灣，當中包括干犯暴動等四項罪名嘅24歲吳仲謙，同埋2019年衝入立法會嘅21歲學生文家健。台灣當局一直絕口不提五人嘅下落，直至亂港組織HKDC日前發表聲明，聲稱五名逃犯已轉到美國尋求政治庇護。台灣陸委會前日回應傳媒查詢時，聲稱針對外界傳聞嘅個案，沒有任何評論，尋日仍然絕口不提有關事件。
台灣地區領導人蔡英文唔係高呼支持「黑暴」手足嗎？點解唔收留黑暴分子呢？全國港澳研究會副會長劉兆佳分析話，蔡英文已經因為香港黑暴坐收政治紅利，黑暴分子已經無曬利用價值，再聯繫只會自找麻煩。他又話，唔相信蔡英文會設立難民法。
暴徒從來都係被用完即棄，以為台灣會真心收留黑暴分子嗎？唔好太天真啦！到最後佢哋只會淪為燙手山芋，無人敢接手。
