亂港暴徒喺修例風波期間經常掛在口邊嘅一句「煲底見」，如今差點變成「倉底見」。
為暴徒提供法律援助嘅律師兼九龍城區區議員黃國桐，近日因涉嫌「串謀協助逃犯」而被捕。佢15日晚獲保釋後，翌日早上去咗荔枝角收押所探望民主黨前主席胡志偉。胡志偉早前被控煽惑他人參與去年未經批准集結，保釋條件之一係交出所有旅遊證件，但近日被揭發疑私藏一本仍有效嘅BNO，涉故意違反法庭命令，被收押監房看管。黃國桐探完監之後話，胡志偉現時單獨囚禁，又話胡志偉知道佢被捕後，兩個人都覺得唏噓。
堂堂攬炒派第一大黨，黨內要員如今險些淪落到「倉底見」，的確令人唏噓。但早知今日何必當初，將過去溫和嘅民主黨變成攬炒急先鋒，唏噓之餘難道唔應該反省一下先？
