圖：疫情嚴峻，但黑衣暴徒前晚在旺角堵路縱火，搞到遍地垃圾，仲焚燒發泡膠釋放有毒氣體/大公報記者攝

　　齊心抗疫係全城市民目標，偏偏暴徒就喺呢段時間又出來搞事。黑衣暴徒前日在旺角一帶堵路，仲用垃圾桶、木板、竹枝、發泡膠箱等築成路障，又到處縱火。暴徒完全罔顧衛生，居然將垃圾桶隨處拋擲。現場所見，彌敦道等鬧市馬路上散滿垃圾，一地口罩，大大增加咗病毒傳播的風險。焚燒發泡膠、雜物等更會釋放有毒氣體，毒害旺角一帶的街坊。鄭晴冇眼睇！

　　有被捕紀錄應無份

　　即使警察拘捕咗涉事暴徒，但市民仍感到鬱悶，因為啲暴徒只要年滿18歲，就可以取得預算案派發畀市民抗疫的一萬元應急錢。大批網民憤憤不平。「黃昏原始的工人」指出：「暴徒放火破壞唔使賠，政府仲派錢畀佢哋？」「Oscar Yeung」稱：「有被捕紀錄應凍結／取消10000元。」Horace Hong亦指出：「政府派錢唔應該派畀啲曾經被拘捕過，涉及參與任何反政府人士。」

　　全國政協副主席梁振英就在社交網站帖文說，他早前向零售界請教，「疫情過後香港的零售業可以翻生嗎？」佢朋友就答：「老闆都打定輸數，點知班『攬炒』死仔會唔會翻轉頭？」果然，疫情未結束，「班死仔」就翻轉頭繼續攬炒。CY慨嘆，疫情過後，旅遊和零售業繼續衰退，牽連廣告業、傳媒業等都衰退。