該名移英港人在社交平台的移民群組發文，自稱「因健康原因本人迴流香港，現轉租所住單位，租約簽咗半年至9月10號，轉租日期好是4月中。」他列出地址，指是「一座Building share幾個廁所同廚房，單位包傢俬，搭巴士25分鐘到市中心」。
帖文遭到同路人公審，直指「移民英國，就係英國人啦，應該在英國就醫，返中國香港用服務會唔會冇骨氣咗啲呀」、「又話英國醫療好，做乜返香港醫病呀!所以都話身體最誠實，勸喻香港政府，快啲取消BNO申請者身份證啦」。
不少網民認為單位條件唔吸引，「share廁所同廚房?搵鬼租」、「要share廁所同廚房，咁佢都幾窮下喎」、「住到要share廁所，香港劏房都獨立厠所啦」。
有網民就分析香港和英國的醫療分別，認為「可能咪又係因為錢囉!如果係一般長期病患，用轉普通嘅藥，在香港公營醫療繫統之下，港幣$50蚊覆診一次就已經有三個月藥，在外國醫藥分家，點都唔係港幣$50蚊!大鑊嘢，15分鐘內就有救護車，唔使半個鐘就到醫院急症室......以往身在福中不知福，今時今日迴流都唔緊要，最緊要就係收嚇把口，夾起條尾做人做事，唔好又要攞中國香港政府着數，又要唱衰中國香港政府就得喇」。
