前「香港眾志」秘書長黃之鋒噚日喺獄中度過25歲生日，佢嘅fb專頁發文話，獄中獨處時間「多到無止境」，被迫着要學習平靜內心及鍛煉柔韌，又稱「在囚的人不論背景身份，也會格外想被記著，希望人們會念及目前承受這一切的自己」。今年的生日，佢希望自己成為更有成長的人，所記掛與思念的，有天得以重逢，再相見喎。據悉，黃之鋒目前因「反修例事件」等案，合共被判囚27.5個月，另非法初選案被控「串謀顛覆國家政權罪」，仍然在審。睇怕，更精彩嘅人生仲陸續有嚟!
而一早潛逃去英國嘅前「眾志」常委羅冠聰，雖然自己逍遙快活，亦不忘經常「關心」留港服刑的「手足」。佢噚日就越洋「贈興」，喺fb帖文祝黃之鋒生日快樂，仲話喺出Post前諗過，到底隔住半個地球同佢講「生日快樂」，會唔會被視為害咗佢嘅一步。帖文一出，不少網民都揶揄佢虛偽，居然還趁機「抽水」。
