官司纏身嘅民主黨前立法會議員林卓廷，早前被揭以1,268萬元賣出沙田翠湖花園的自住物業，人懷疑是為「着草」鋪路。林卓廷稱賣樓是要套現應付子女升學及官司，聲言絕非是賣樓「走佬」，噚日就更煞有介事喺fb發表賣樓感言，話「終於要搬了」，仲上載搬屋工人搬傢俬嘅相㖭。
林卓廷感嘆喺呢個單位住咗10年，經歷過許多事件，話要數最深刻，當然係三度清晨家中被捕，更死撐自己被「誣衊暴動、顛覆、披露廉署調查……」喎。攬炒派日日為反而反，為政治私利煽暴縱暴，食盡人血饅頭，住千萬物業，但所謂「出得嚟行、遲早要還」，賺了也要嘔返出嚟。
