今日(12日)係農曆新年嘅第一日!每逢大年初一子夜均有大批善信湧往黃大仙祠上頭炷香，惟本港疫情持續，黃大仙祠上頭炷香活動今年取消，為99年首次取消。此外，呢一日大家通常會較早起身，一家大細着住新衫出門，向長輩、親戚、朋友相互拜年，恭祝新年大吉大利，而小朋友仲可以向長輩「逗利是」。但疫情關係，大家要戴好口罩先好去拜年，或者改為網上拜年及「逗利是」，避免疫情再次在社區內爆發。大公文匯全媒體係度祝各位讀者「健壯如牛 百病不侵」、「出入平安 牛來運到」。
