被控「勾結外國或者境外勢力危害國家安全」罪及欺詐罪嘅壹傳媒創辦人黎智英(肥佬黎)，噚日喺終審法院展開聆訊處理。其間有大批不滿肥佬黎嘅市民到法院外示威，有市民高呼「漢奸走狗黎智英，嚴懲不貸勿放生」等口號，亦有市民打扮成「細菌」，揶揄肥佬黎創辦嘅《蘋果日報》荼毒市民，捏造假新聞。
但忠心護主嘅「人」又點會袖手旁觀? 終於有人睇唔過眼沉不住氣「大爆發」!「泛暴」政團社民連秘書長吳文遠就出手，並涉向反對肥佬黎保釋嘅市民挑釁。從圖中所見，一名手持「大聲公」嘅市民喺警方架設嘅鐵馬外與吳文遠爆罵戰，吳文遠更即走向該名市民，突然伸出左手試圖掌摑同埋拉扯對方口罩，雙方發生肢體衝突，引發混亂。據悉，遇襲市民已報警處理。
