圖：美荷樓開放兩日，有好多靚位畀大家打卡
暑假將至，相信好多人已經計劃好去邊度旅行。位於深水埗YHA美荷樓將在明、後共兩天（6月23至24日）免費開放畀大眾參觀。開放日為大家準備了不少懷舊節目、參觀場地及食品，畀大家打卡留念，當中以放大15倍飛行棋最矚目。記得當日10點至5點開放期間準時到訪，一睹這香港碩果僅存的H型徙置大廈的全新風貌。
旅舍開放兩天 懷舊要及時
YHA美荷樓原本係為安置石硤尾大火災民而建嘅住宅。香港青年旅舍協會喺2009年，獲發展局選為第一期活化歷史建築夥伴計劃嘅機構，保育及活化這座二級歷史建築。旅舍今次以巨型飛行棋為主題，畀大家回顧童年回憶。開放日當日設有放大15倍嘅昔日木製飛行棋棋子及棋盤，等到場參觀嘅人士可以落場大玩一番。另外，亦推出限定紀念品，訪客只要集齊四個任務印仔就可以獲得迷你飛行棋同飛機造型鎖匙扣一個。
除玩樂之外，旅舍亦會喺兩天開放日早上10點至4點半，特設11場廣東話定點導賞團，訪客可趁機了解上世紀50至70年代香港公共屋邨居民的生活點滴。行到好攰同口渴？唔緊要！旅舍內有冰室同士多，價錢亦好親民，大家除可以一一品嘗懷舊美食外，室內仲有好多昔日校園懷舊壁畫，到訪者可以同父母或朋友一齊細說當年，分享昔日點滴。
