將件事掉返轉嚟講，可能是反對派最喜歡用的伎倆。不過有時「白講成黑」都要做下功課嘅，好似近排因為新界東補選而頻頻「博上鏡」的張秀賢（Tommy），昨日就「老屈」民建聯劉國勳「抄橋」，話自己於去年11月24日寫文，提倡巴士減價及隧道免巴士過路費，劉國勳一月九日見記者時都有提到，仲懶醒咁用Hashtag話「政策剽竊就冇得舉報嘅」、「共濟Bill情何以堪」。
唔通人哋識如來神掌又話過你知咩？國勳睇張秀賢的post就即刻拿出證據「打臉」，話有關主張自己一早已經講緊，單在2017年已多次在立法會發言提出、與運輸署及巴士公司商討跟進、再夥拍鄧家彪開記者會等。運輸署和九巴亦已分別回覆話會仔細考慮意見，絕非如某人般紙上談兵。有圖有真相，國勳仲show咗一堆文件出黎，去年八月的時候已經跟進緊這議題啦！
國勳又話，看完張秀賢的post真係「當堂嚇一跳，睇完得啖笑」，估計對方睇到自己日前再次要求豁免交通工具隧道收費新聞，就即刻以為執到寶，急急出post話人抄襲。臨近補選，大家都明白要谷下人氣，但國勳就奉勸對方一句，下次拾人牙慧之前，唔該做好功課先啦。鄭晴亦都奉勸Tommy，無咩事就不要「衝出嚟」啦。
