圖：阿怡（右）在懷有兒子時，在丈夫支持下決心戒毒

　　毒品害人，有些傷害更是窮一生亦不能彌補。阿怡（化名）13歲時因誤信初戀男友，不知情地吸下第一口毒品，此後逾十年在毒海浮沉，更一度淪為階下囚。意外懷孕後仍繼續服用毒品，直至親眼目睹自己剛出世的女兒不能自行呼吸，被即時送到深切治療部（ICU），當她望到躺在氧氣箱中的女兒身上插滿喉管時，她說：「勁嬲自己囉，勁嬲自己害到佢咁樣。」男友當時像一個及時雨，「他話如果我肯戒毒，希望一齊組織一個家庭！」阿怡深受感動下成功戒毒。\　大公報記者 徐曉彤（文）　　　　　　　麥潤田（圖）

　　阿怡11歲時父親便因病離世，父親早逝令阿怡的母親需獨力撫養阿怡和其姊姊，阿怡母親當時要到內地打工，一去便是幾個月，家裏經常只剩下她們兩姊妹，阿怡坦言：「細個我爸爸好早唔喺到，咁跟住媽咪又成日返工，成日都係得我哋兩姊妹喺屋企，咁嗰陣時我都成日好想拍拖，（想要）人錫嘅感覺。」在中一暑假時，阿怡認識初戀男友，開始跟隨男友及其損友過着街童的生活，時常在街上流連，徹夜不歸，中二便輟學，阿怡憶述：「我同媽咪講話唔讀書，我阿媽唔知點解咁順攤就幫我退咗學，咁我就一路都無讀書喇，一路都係玩。」

　　食咗一啖我就嘔到死，嘔咗成晚。

　　情竇初開的阿怡對男友充滿信任，沒想到換來的卻是毒癮纏身的代價。阿怡憶述第一次吸毒經過，當時男友帶她到一個殘廁裏面，向她遞上一根煙，她起初以為只是普通的香煙，實情內裏包裹着的卻是俗稱「白粉」的海洛英，她說：「食咗一啖我就嘔到死，真係嘔到好誇張，嘔咗成晚。」但阿怡亦並未對男友起疑，仍堅信「因為佢係我男朋友呀嘛，我覺得佢唔會害我。」在多次不知情地吸食「白粉」後，她發現若不吸食男友的「煙」，雙腳便好像有「蟲撩」的感覺，她形容那種感覺：「勁辛苦，瞓唔到，成日好似有嘢喺你身入面鑽嚟鑽去。」於是她找來男友當面對質，男友終承認故意騙她染上毒癮。

　　喺監獄入面我話要戒毒，但出咗去之後又唔記得。

　　阿怡之後與男友離離合合，每次跟男友復合，便重拾毒癮，斷斷續續吸食「白粉」長達四年。一次為賺錢買毒品，阿怡的男友不惜搶劫，而站在一旁「睇水」的阿怡亦受牽連，兩人雙雙被捕入獄。在獄中兩年期間，阿怡曾下定決心不再沾上毒品，她說：「我喺入面寫咗好多封信畀自己，（寫）我出到去要點樣生性喇，我要戒毒喇，嗰時我都好有決心咁同佢（母親）講出到去唔會（吸毒），但出咗去之後又唔記得。」

　　吸毒者最難戒掉的往往不是毒品，而是自己所處身的吸毒圈子。阿怡自言當時覺得「愛情大過天」，獲釋後繼續與男友來往，再度復吸「白粉」。之後，阿怡又透過在獄中認識的一位囚友，結識了一班吸食「冰毒」的吸毒者，在朋友介紹下，她首次服食「冰毒」，她驚覺：「原來食咗呢樣嘢，我唔使食白粉喎，我無咁辛苦，至多我都係唔瞓覺，但我身體唔會唔舒服，所以我就去食囉。」

　　如果你肯戒毒，我會繼續同你一齊組織家庭。

　　阿怡在24歲時發現自己意外懷孕，但阿怡說：「我陀住我個女都有食嘅，因為身邊朋友陀住食都無嘢。」但當女兒出世時，因不能自行呼吸，被即時送到深切治療部，當她望到躺在氧氣箱中的女兒身上插滿喉管時，她當刻心裏痛恨自己：「勁嬲自己囉，勁嬲自己害到佢咁樣……跟住同自己講唔可以再食。」在女兒出世後，阿怡便決心戒毒，開始人生第一次工作賺錢養家，但在三個月後，阿怡不勝生活壓力，再度復吸，她說：「返工大壓力，放工仲要返去湊小朋友，夜晚又無得瞓，朝早又要返工，我覺得好攰，之後嗰啲朋友搵返我，咁我咪又出去食返囉。」

　　直至女兒一歲多時，阿怡仍有服食「冰毒」，後來她在工作時認識了當時的男友，亦是她現在的丈夫，並再度意外懷孕，阿怡於是向他坦白說自己有吸毒習慣，並打算墮胎，但男友卻反建議：「如果你肯戒毒，我會繼續同你一齊組織家庭。」阿怡深受感動下，遂答應男友，並到香港路德會社會服務處轄下中心戒毒，最後成功戒毒，現在即使過去吸毒的朋友仍然偶然約她吸毒，但她亦已懂得拒絕：「我唔出去喇，我戒咗嘞！」

　　回想過去沉淪毒海的日子，阿怡坦言浪費了許多時間，亦影響與女兒的關係，由於吸毒令她變得脾氣暴躁，很小的事都能觸怒她，令她發瘋般狂罵女兒，導致女兒夜晚常發噩夢驚醒，亦令女兒不懂控制情緒，在學校一遇到不如意事便大叫，宣泄不滿。