圖：民建聯一班議員祝賀楊岳橋新婚之喜
立法會「拉布」戰白熱化，建制及反對派在議會關係可謂劍拔弩張。不過，雙方昨日就罕見地停火共聚一堂，原因當然不是建制放棄讓議會重回正軌啦，而是為了慶祝公民黨立法會議員楊岳橋小登科之喜。
楊岳橋的婚禮酒會選了在立法會隔離舉辦。鄭晴所見，現場的建制派甚至多過反對派，民建聯、經民聯、新民黨賞面出席，就連立法會主席梁君彥、秘書長陳維安等都到場恭賀。不少議員亦好識做，話一早預備封大利是給新人。咁大場面就當然唔少得「鬧新人」啦，影相時大家都起哄要求新郎錫新娘，更被祝賀要快點「造人」，場面分外溫馨。鄭晴心諗，楊岳橋有咁多人祝福，唔知以後會不會修心養性，少點「拉布」，多點陪老婆呢？
