圖：民建聯議會「新丁」尋日同傳媒聚會，回顧過去一年嘅議會生涯
民建聯四位議會「新丁」周浩鼎（Holden）、張國鈞、劉國勳同柯創盛尋日就同傳媒聚會，回顧過去一年嘅議會生涯。Holden話，呢一年對佢嚟講簡直係「挑戰與發揮共存的一年」，話自己汲取咗好多經驗同教訓，亦好樂意聽市民同網民的批評，咁樣先會有動力做得更好！
張國鈞就形容呢年非常「不平凡」，希望未來關注多啲教育方面嘅政策，又希望喺修改議事規則方面做多少少，令立法會重回正軌。劉國勳同柯創盛就分別用「充實」同「緊張」嚟形容，國勳話自己比較鍾意關注不同議題，工作量十分之多，未來都希望發展社交媒體同網民互動下。
另外，民記「年度漢字評選」將會喺11月正式推動，佢哋透露，嚟緊已經邀請咗立法會主席、多名資深傳媒人等擔任評選委員，選出十個唔同嘅漢字畀市民投票，預計12月就會公布結果！
