大公網9月10日訊（記者龔學鳴）喺立法會宣誓「播獨」，喪失議員資格嘅青年新政游蕙禎，至今依然「獨」心未死，今日喺《城市論壇》上繼續鼓吹抗爭，被批其言論好似「港獨」一樣脫離現實個陣，佢就好招積咁話，「咪慢慢睇嚇囉」。
不過，傳媒就更加關心游蕙禎及同屬青年新政嘅梁頌恆，是否能夠喺後日限期之前，向立法會「回水」186萬議員薪津。游蕙禎喺追問下好似被戳到痛處，唔肯正面回應，凈喺話會去信立法會，詢問還款嘅法律理據喔。唉，呢個理由講咗成年，你唔悶，讀者都悶啦。咁到時喺咪可以回到水，定喺要到破產嘅地步，不妨套用游嘅說話：「咪慢慢睇嚇囉」。
