洪小姐 記者 麥潤田攝
大公網9月9日訊(記者梁穎賢)香港太多有錢人，有「食」力的又點止慈母廖小姐一個。之前斥近4球買入旺角逸新一伙開放式單位的洪小姐，今日又現身城‧點售樓處等抽籤，被記者認中後大方承認更接受訪問，稱有意買多間開放式投資，預算400萬左右。短時間內兩入市，是咪睇好樓市?「樓價細銀碼，新盤成交期長，可慢慢籌備」。
洪小姐非首置人士，一買再買要硬食15%印花稅，普遍人為想慳稅會借人頭甚至不入市，洪小姐反而有另一套想法，「為咗唔畀稅，咁咪永遠係度等囉，錯過入市時機囉!」又好似幾有道理咼。
