大公網9月6日訊：每年全國政協開大會前，政協委員都要提交提案，為國家係各方面嘅發展建言獻策。第十二屆全國政協尋日就舉行優秀提案表彰會，有港區委員榜上有名。例如本身係律師嘅全國政協委員陳清霞（Eliza），前年提交嘅《關於加強陸港法律交流，促進『一國兩制』實踐發展》，就獲推薦為優秀提案。Eliza係提案中提出六大建議，促進兩地嘅法律交流，包括放開香港年輕人到內地法律領域實習嘅門檻、廢除對兩地學術交流不必要嘅外事審批、出版高水平嘅介紹大陸法律制度嘅作品。
眾所周知，中央領導人多次寄語港區全國政協委員要發揮好自身嘅優勢，為促進國家發展同兩地更好地交流合作，作出貢獻。唔少港區全國政協委員都有專業同工商界背景，可為港人發聲，國家對佢哋嘅意見的確非常重視。
