工黨近日內訌浮面，有傳胡穗珊因為鬥輸何秀蘭，不滿工黨紀律委員會唔會處理佢對何秀蘭嘅投訴，所以辭去主席並堅決退黨。其實，何秀蘭被指處處針對胡穗珊都唔係第一次聽聞，鄭晴聽過誇張到連人哋衣着夠唔夠得體都要管！工黨「唯一」立法會議員張超雄尋日就默認不和傳聞，承認工黨內部有存在「人和」同機制嘅問題，唔知係咪挽留唔到胡穗珊，仲認衰仔話對呢件事好遺憾同難過。
張超雄又話會檢討問題，仲直認工黨內部需要進行改革添。之不過該黨另一個同何秀蘭Friend底嘅李卓人，尋日就潛曬水，出來示完威即閃無回應內訌一事，唔通心裏有鬼？
