大公網8月9日訊：反對派係「一地兩檢」上嘅立場進退失據。民主黨塗謹申今年三月就係電台公開拋出自己嘅「撥地方案」，建議香港將西九站內幾千呎土地撥歸內地政府，仲話「一地兩檢」係法律上同技術上都可行添。查實呢個方案同政府方案差不多，點解塗謹申咁快就變面，話「一地兩檢」係「割地」、違反基本法呢？塗謹申今日就撰文解釋，稱自己唔係特別中意原來嗰方案，話政府方案更差千百萬倍雲雲。
財委會主席陳健波都睇唔過眼，同樣就係社交網站拍片，揶揄塗謹申嘅解釋「兜唔到」，又話律師嘅訓練是既可代表正方，又可代表反方，站在哪一邊都可以講到「似層層」，市民根本很難判斷。佢覺得，係法庭未就司法覆核作出判決前，反對派唔應該用法律理由製造恐慌，為反而反，更唔應該用政治凌駕民生需要。
