獻禮中國人民解放軍建軍90年嘅電影《建軍大業》，現正全城熱映。經民聯與寰亞電影早前送出100張《建軍大業》換票證予《大公報》讀者，本報尋日喺頭版公布送戲飛嘅好消息，引發熱烈反響。
百票名額一早爆滿
《大公報》行政部嘅同事，尋日朝早七點已返工，佢打開門仲未坐低，總機電話就已經不停咁響。同事一一記低讀者姓名、電話，以作派戲飛登記，結果唔夠兩粒鐘，即係九點前，100張戲飛就已經全部派曬啦！有不少讀者登記完之後，即刻到我哋報館攞換票證，心情相當急切。
之後仲有好多熱心讀者打到我哋總機和熱線電話，希望攞飛，但由於派發安排係先到先得，每人限取兩張，50個名額一早爆滿。鄭晴喺度希望攞唔到飛嘅讀者能夠體諒，因為真係太踴躍啦。
以下有劇透！鄭晴喺呢度提下攞到飛去睇《建軍大業》嘅讀者們，電影中先後兩次出現《大公報》㗎，包括國民黨喺「四一二反革命政變」中攻擊商務印書館，以及毛澤東遇上盧德銘時的場景，請大家唔好錯過啦！
鄭晴
