圖：邱騰華到訪北區探訪長者了解其需要
落區「樂」不停！商務及經濟發展局局長邱騰華（Edward）尋日又「出巡」見市民啦，今次嚟到北區，首先去上水祥龍圍邨，同一眾北區區議員茶敘，就電訊、電視接收、交通和區內經濟等議題交換意見；之後又同北區民政事務專員尤建中、北區區議會主席蘇西智等人，探訪邨內長者和家庭，了解佢哋需要和日常生活；隨後又趕到上水石湖墟視察，見下啲雜貨舖、肉檔、藥房等等嘅店主，同佢地傾偈了解佢地經營環境。
Edward局長話，今次係佢上任以來首次到訪北區，希望呢日只係起步點。佢又大讚北區充滿活力，「唔好睇北區遠離我平時做嘢地方好遠，但其實佢係香港一個好重要口岸，歷史文化非常獨特，我覺得隨住禁區縮小同好多口岸發展，未來一段時間北區會有好多發展機會。」
佢又講到，北區有好多鄉郊地方美絕全港，好似Double Haven（印洲塘港灣），簡直係世界級海岸公園，希望未來可以探討下利用區內本身天然、文化、歷史資源，發展更多旅遊或經濟活動，等更多市民認識呢個美麗嘅新界。
