圖：迪士尼推港人專享入住新酒店優惠 迪士尼提供
暑假去玩，唔使下下坐飛機嘅，留喺香港，一樣驚喜處處。講緊嘅係香港迪士尼推出全新嘅港人專享優惠，八月入住新開嘅迪士尼探索家度假酒店，優惠高達四折，每晚低至1288元起，抵到爛！
「夏日留港度假」酒店住宿限時優惠下，禮拜日至四，標準客房每晚1488元；海景客房1588元，低至四折。至於禮拜五、六，標準客房同海景客房分別收費1688元同1788元。「奇妙處處通」會員每間房平多200元。
平咁多，鄭晴提你留意返，可以「升級」畀多600元，享用「超級英雄」主題房間布置，包括「超級英雄」主題床旗布置、拖鞋、鏡面裝飾及門貼裝飾，同埋享有一本限定版Marvel漫畫，以及火箭餐廳指定鐵甲奇俠主題套餐一客。咁先夠嘆！
