香港有唔少單車發燒友,每逢大型賽事爭崩頭報名。旅發局主辦嘅10月8日香港單車節,接受公眾報名僅僅三日,截至尋日為止,四組賽事包括50公里組個人、30公里組、隊制計時賽、家庭單車樂嘅名額已滿,只剩番其他四個組別尚餘少量名額,有意者要把握機會啦!
尚未額滿嘅項目,除咗「兒童及青少年單車樂」,其實都好多要求。好似男、女子公路繞圈賽,就要求參賽者必須具備參與單車競賽嘅資格;50公里組(隊制),亦唔係人人可以報名,必須係專業或者富經驗嘅業餘單車手,而且報名費高達15000元,真係有返咁上下「銀両」先至得啦!截止報名日期係8月11日,名額有限,額滿即止。