聶德權行書展首推運動書，籲年輕人多做運動。（大公報記者蔡文豪攝） 

　　大公網7月21日訊（記者 龔學鳴）一連七日的香港書展來到第三日，政制及內地事務局局長聶德權下午同一班年輕人行書展，還即席買了兩本青協推薦有關《一帶一路》，以及一本叫《不要放棄字療》的書，盛惠120元。局長說，書展是他每年必到的地方，有時候還會特意請半天假過來，看看出了什麼新書。他更即場推介兩本書給年青朋友，其中包括吳俊霆的登峰故事同另一本關於跑步的書，又說以前出任食衞局常任秘書長時，除了工作外亦會經常注意健康，跑步更加是他其中一項最愛的運動，「而家都keep住每個禮拜跑步，因為跑步有雙跑鞋就得，亦都無限時間限制，而每次跑完我都會超級開心。」

　　聶德權又話，自己上任問責官員20多天，工作和生活都更忙碌，因為負責的範疇新，有好多野需要學習，所以開始時特別辛苦，但整體上心境仍然保持良好，仲話做事同做運動一樣，中間總有想放棄既時候，但堅持完成既話會有非常大的滿足感。

　　聶德權行書展首推運動書，籲年輕人多做運動。（大公報記者蔡文豪攝） 

　　除此之外，聶德權亦當場分享閱讀心得，話閱讀可以令佢忘記工作，進入另外一個空間馳騁。佢仲話自己好鍾意睇推理小說，因為以前讀理科，個人比較理性人，更加偏愛邏輯類的書；但後尾驚睇得多個人會變得太冷酷，要睇返人性化小小既野，接觸不同人。