身為新政府唯一一位女局長，食物及衛生局局長陳肇始盡顯親和力，尋日就率先同一眾傳媒進行茶敘，要解答刁鑽問題在所難免，但佢都盡力回答，唯獨被追問副局長人選時，她只係話「會喺可以公布嘅時候公布」，似乎心中已有人選，但礙於程序問題，只好繼續賣關子。
佢又話，行政長官林鄭月娥鼓勵官員多落區，實行與民共議，而她在上任後第一星期已會見醫管局各部門首長，又與旗下七個醫院聯網總監見面，了解前線人員嘅苦況和需求，認真勤力。
對於外界質疑醫管局高層應為協調不力問責，陳肇始強調，醫管局上下都非常努力為市民服務，不斷希望做得更好，又話政府會勇敢面對困難，多管齊下解決醫療問題。
