圖：聶德權（右二）昨日到觀塘家訪，探訪長者家庭又送贈禮物包
林鄭新班子上場後，頻頻走出辦公室，展現新作風。「三耳局長」、政制及內地事務局局長聶德權尋日上任後首次落區，就揀咗去觀塘探長者，唔講唔知道，原來「三耳局長」嘅中學母校就喺觀塘，從小就喺區內成長嘅佢，對觀塘有特別深厚嘅感情。「三耳局長」早上先到保良局劉陳小寶長者地區中心參觀，同長者食午飯、談天說地，下午就探訪長者家庭，派發禮物包，佢仲承諾會繼續落區，了解民情。
另一邊廂，公務員事務局局長羅智光尋日就到訪環保署，同管理層、前線員工見面，了解佢哋嘅工作，又參觀咗喺堅尼地城嘅港島西廢物轉運站，同部門各職系員工交換意見。鄭晴都覺得高官走出冷氣房真係好事，展現政府施政接地氣，多聽各方聲音態度。
