圖：網民唔多Buy黃碧雲言論，並且串返佢轉頭
立法會「潑婦罵街」事件再有續集！民主黨「一舊雲」（黃碧雲）、民建聯劉國勳前日喺政制事務委員會開火後，「一舊雲」條氣唔順，將戰場轉移Facebook疑似想向網民博同情，喺自己專頁上貼返立法會「躝癱鬥潑婦」既片段出嚟，話DQ事件後，自己把握機會質詢政府點安排補選事宜，但就畀民建聯無端端撩是鬥非，老屈民主黨兼且侮辱女性咁話喎。
之不過，絕大部分網民係清醒，唔多Buy佢嘅言論，並且串返佢轉頭，叫佢咪成日借題發揮，拖大眾落水。網民Jacky Ng就話：「咁小器㗎，明明就你話人躝癱先，可唔可以尊重下你自己議員嘅身份呀剩係可以你話人呀？你不代表所有女人囉，亦唔好屈所有女人係潑婦啦！人先自侮，然後人侮之。」
Mavis Wong睇完亦都講：「 一個瘋婦都可以做議員！狗口長不出象牙！」Peggy Law揶揄話：「一舊雲！你瞓醒未呀！自己冇理詞窮就講粗口鬧人。你根本就係街市潑婦啦！仲夠膽放上網畀人笑！面皮幾尺厚，不知廉恥！」睇完網民一面倒既劣評，希望「一舊雲」醒少少，唔好再魂遊太虛啦！
