文憑試放榜日，又係有人開心有人灰心。財爺陳茂波尋日喺網誌，分享勵志故事。話說幾十年前，基層出身嘅財爺，喺考大學嗰年，因屋企地方窄，圖書館又難搵位，於是偷偷哋同幾個同學仔夜晚返學校溫書，更在校留宿。好彩老師知道佢哋品行好，並無阻止到，最終努力並無白費。嗰屆連埋財爺，有廿幾個人入到中大，就好似「丙組」足球隊爆冷踢出好成績。
財爺又話，放榜之前都有返自己母校培聖中學同師弟妹分享。講到點樣面對挫折後重新起步，財爺就話，學會了在祈禱裏將困難和重擔交託，跟從上帝嘅帶領，而且家人和朋友的關心和支持都非常重要。佢希望同學仔唔好輕言放棄，只要努力堅持，一定可寫出最燦爛嘅人生新篇章。
