大公網7月4日訊（記者 龔學鳴）：前民建聯立法會議員鍾樹根自卸下議員一職後，不時到內地遊山玩水，亦以務農為樂。佢尋日響Facebook上載自己接受水光槍治療嘅相片，話「農民唔易做，日曬雨淋，最傷就係的（啲）皮膚……」。睇嚟樹根都係一個貪靚之人，對保養「樹皮」嘅工作甚為着緊。
樹根話，自己接受水光槍治療，需要響面上打200槍，「每槍9針，即面中1800針」。鄭晴睇落都覺得有啲痛，不過樹根應該好享受喇，仲話自己「皮膚靚番（返）哂、回復青春」添。有網民都話樹根睇落後生咗，仲講笑話由「樹根」變咗做「樹苗」添。
鍾樹根接受水光槍治療，護理面部皮膚。鍾樹根Facebook圖片
