大公網7月3日訊 喺政府認真為市民服務多年，唔少上屆政府嘅官員都話，離任後首先要去旅行散嚇心，放鬆嚇。好似前新聞統籌專員馮煒光尋日就喺facebook同大家分享佢出發去朝鮮嘅照片喇！
馮煒光出發之前先喺丹東火車站外同毛主席塑像合照！
馮煒光一早八點幾就貼上自己嘅朝鮮旅遊證，同埋喺遼寧省丹東火車站前同毛澤東主席塑像嘅合照，話自己「出發了！」佢九點連續出咗四個post，將火車站內嘅所見所聞同大家分享，例如火車站內「原來很多人過境做生意」，又話自己之後「不能上網4天了，耳根清淨一下」，再喺出發之前同火車合照，鄭晴淨係睇相都感受到佢有幾興奮呀！
出發前同火車興奮合照！
馮煒光10點10分再貼上由火車喺橋上拍攝嘅河景，仲話「雄赳赳，氣昂昂，跨過快出發了！」到中午11點37分再發出附上丹東鴨緑江位置嘅帖文「剛過境」，相信終於進入咗朝鮮境內喇。
馮煒光話，原來很多人過境做生意。
