圖：短片由一對內地母子嘅對話串起　　

　　明天就係回歸20周年大日子，中聯辦精心製作慶回歸微視頻《我愛你，香港！》，手法創新，沙畫結合照片，展現20年來香港大事，表達中聯辦全體員工對香港特區嘅誠摯熱愛和美好祝願，鄭晴尋日先睹為快，非常感動，網民亦都讚不絕口！

　　短片長七分零一秒，粵語旁白、繁體字幕。視頻由一對內地母子嘅對話串起，共分四幕，包括「這裏是香港」、「20年，我們一起走過」、「香港，明天更美好」、「香港內地同祝願」，展現咗20年來中央同中聯辦一直支持香港，香港同內地係一家人，香港同胞同內地民眾共歡笑、共患難、共享國家發展嘅成果同埋榮耀。

小內地七市取景超認真

　　微視頻配樂既有《獅子山下》、《東方之珠》等香港同內地市民都耳熟能詳嘅經典歌曲，同埋專為今年香港回歸祖國20周年譜寫的新歌《香港頌》。視頻中仲有中共中央總書記、國家主席、中央軍委主席習近平關於「一國兩制」嘅視頻原音，強調「港人治港」、高度自治，支持行政長官與香港特別行政區依法施政。

　　最後一幕「香港內地同祝願」，特意去北京、上海、海南、遼寧、湖北、新疆、重慶七個內地城市取景，記錄了當地民眾、香港市民對香港的共同祝願，真係好用心製作！

　　喺回歸20周年喜慶時刻，習主席來港視察，鄭晴尋日上網時發現，好多網民寫下深情留言，有中有英，充分體現香港華洋文化融合嘅一面。