「香港先至係自己嘅屋企」
「同熱愛這片土地，大家刻骨銘記，愁或喜生與死，也是香港地……」香港呢塊福地，盛載唔少港人寶貴回憶，歌手亦唔例外。洪卓立、譚嘉儀等一眾藝人，日前喺中環海濱舉辦嘅「維港金曲匯暨社區嘉年華」，提前祝賀香港特區生日快樂，並且暢談對呢個家嘅感覺。唔知你又有冇共鳴呢？
土生土長嘅「立立」講到，廿年嚟喺香港有好多難忘回憶，佢祝願香港繼續繁榮安定，譚嘉儀就話，有時喺外地工作後，返到香港，覺得有種歸屬感，香港先至係自己嘅屋企，無外地嗰種陌生嘅感覺。佢又話，行街時有途人會主動行埋嚟同佢講加油，呢種係屬於香港人嘅鼓勵。
饒舌歌手唐嘉麟就Rap住講，「祝香港人個個愈來愈開心，呢片樂土可以搵到真金……香港所有回憶或者未來，會開心繼續出現。」
想睇片嘅話，去呢個網址：https://www.facebook.com/HKSAR20/videos/1867923840127260/
