圖：「香港電競音樂節」原訂八月四至六日在中環舉行
電競迷注意！集電子競技、音樂及美食於一身嘅「香港電競音樂節」，原於八月四至六日喺中環海濱活動空間舉行，但係旅發局有見於近日天氣唔穩定，尋日宣布正諗計遷移至室內場地。咁都啱嘅，無理由叫電競選手喺三十幾度嘅烈日當空，或者橫風橫雨下打機嘛，都係邊嘆冷氣邊打機先係最享受！
講番最新票務安排先，原定今日起公開發售嘅「英雄聯盟王者回歸世界邀請賽」門票，將會延期開售。至於「SMTOWN SPECIAL STAGE in HONG KONG」演唱會門票，今日起將暫停發售。旅發局話，活動細節及售票等最新安排將會稍後公布。大家切記喇，今日唔使上網或者衝落街撲飛啦。
